Panay ang tingin ko sa relo ko sa bisig ko. Hindi na nga ako makapag-concentrate sa itina-type ko sa laptop ko, kaya minabuti kong magpunta na lang sa CR.
Hinagod ko ng tingin ang itsura ko sa salamin sa harap ng lababo. Sinipat-sipat ko ang mukha ko. Napansin ko na medyo oily na ang T-spot ng mukha ko.
Dali-dali akong lumabas at bumalik sa mesa ko para kunin sa bag ko ang make up pouch ko. Nagmamadali akong bumalik sa CR dito sa opisina ko. Ang balak ko sana ay magre-touch ng make up ko, kaya dali-dali kong inilabas ang ilan sa mga make up ko. Mamaya lang nang konti ay susunduin na ako ni Jett.
Dinampot ko ang pressed powder at saka binuksan iyon. Ipinahid ko nang dalawang beses ang sponge sa powder niya, at saka tumingin sa salamin sa harap ng lababo para mas malaki at mas makita k
