Paglabas pa lang namin mula sa elevator ni Jett ay sa magkahawak na mga kamay namin nakatingin ang guard na naka-duty sa palapag na ito. Kahit itagtag ko ang kamay ni Jett ay hindi naman niya binibitiwan ang kamay ko, lalo pa nga niyang hinihigpitan ang hawak niya.
Hanggang sa loob ng Strategy ay takaw-pansin pa rin ang mga kamay namin. Mabuti na lang at wala si Herbert at Trish ngayong araw. Naka-file sila ng vacation leave. Pinigilan ko ang sarili ko na mapatingin sa gawi nila. Pihadong puro kantiyaw ang aabutin ko sa mga ito kapag nagkaroon sila ng pagkakataon. Imagine? Ang boss nilang masungit, luma-lovelife nang ganito? May pa-PDA? Feeling bagets?
Hinatid pa ako ni Jett hanggang sa loob ng kuwarto ko. Iniupo pa niya ako sa upuan ko na para bang isa akong taong may kapansanan. Yu
