"Moana?" halos sabay na sabi ni Tita Clover at Tito Judd.
“Si… Si Mama Becca ko po ‘yan. Rebecca Velasquez.”
Lumipad ang tingin sa akin ng mag-asawang Madrigal, tila sinusuri ang katotohanan ng sinabi ko. Pero si Tita Clover ay agad nagbawi ng tingin sa akin at nilingon si Mama.
“Paano’ng naging Rebecca? Si Moana ka. Ikaw na ikaw. Hindi ako pwedeng magkamali.”
Nilingon ko si Mama. Kampanteng-kampante lang siya sa pagkakatayo niya doon, na tila hindi siya nababahala sa reaksiyon ng mommy ni Jett.
“Oh? Akala ko ba may lunch tayo para sa engagement nitong mga anak natin? Aba, tara na! Gutom na ko! Hindi pa ako nagbe-breakfast,” pagde-demand ni Mama.
Ang instinct ko ay lapitan agad si Mama.
“Ma… konting pino naman. Nakakahiya sa kanila,” sabi ko sa kanya, hindi ko na alintana kung nar
