CHAPTER 56
DAHLIA’S POV
“TALAGA ‘yang kumag na ‘yan! Ang sarap talagang pumatay ng tao! Akalain mong mas pinili niyang ikasal kay Jessa nang dahil lang sa kompanya? Ginigigil niya ako, eh! Gusto mo bang resbakan na kita at kalbuhin ‘yang babaeng ‘yon?”
Hinawakan ko bigla ang kamay ni Paulina nang tumayo siya mula sa upuan dahil sa hiyang baka makita kami ng mga tao sa loob ng restaurant.
“Tama na, Lina. Ayoko na rin kasi makisawsaw sa kanilang dalawa. Saka... wala na kami ni Valentino kaya wala na akong karapatan ipaglaban ‘yon.”
Nagsalubong ang dalawang kilay ng kaibigan ko saka marahas na tinanggal niya ang pagkahawak ko sa kaniya.
“Hindi puwedeng wala kang gagawin, Dahlia, dahil si Jessa ang nagkalat ng balita tungkol sa’yo.”
Natigilan si Paulina na sa palagay ko ay napaisip siy
