CHAPTER 57
3RD PERSON POV
MAPANGLAW na mukha ang nakita ni Paulina kay Dahlia habang naglalakad sila palabas ng restaurant. Hinawakan niya ang kamay ng kaibigan saka ngumiti.
“Okay lang ‘yan, Dahlia. Makaka-move on ka rin at sigurado akong makakalimutan mo si Valentino balang araw.”
Ngiting pilit ang ginawa ni Dahlia saka tumango. Nang makalabas na sila ay niyakap siya ni Paulina saka humiwalay.
“Sigurado kang hindi na kita sasamahan pauwi?” pag-aalalang tanong ni Paulina.
“Oo, okay lang. Nakakahiya din kasi kay Liam na hindi ka kasama sa motor niya.”
Huminga nang malalim si Paulina saka ginala ng mata ang paligid upang maghanap ng taxi.
“Ah! Ayon! May nakita na akong taxi.”
