CHAPTER 16
3RD PERSON POV
NAKAKAUYAM NA NGITI ang ginawa ng babae nang isara niya ang laptop matapos niyang basahin ang artikulo na nilabas ng isang journalist tungkol sa The Billionaire’s Last Heir. Binaling niya ang tingin dito sa natutulog niyang anak sa crib, bumaba siya sa kama at lumapit dito.
“Malapit na natin makuha ang yaman natin, Caleb,” aniya dito habang nakangiti sa kaisipang makakapaghiganti na siya kay Valentino.
Isang taon na ang anak niyang si Caleb simula nang isilang niya ito at nakakasiguro siyang may dugo itong Clemente. Marahang siyang tumawa habang iniisip na muli niyang makakasama si Valentino. Matagal na niyang pinapangarap na mabuo ang pamilya niya dahil laking broken family siya— panganay siya sa apat na magkakapatid, hiwalay ang mga magulang niya at may sari
