Julianna
Sumasakit na ang panga at bibig ko kaka-peke sa ngiti sa tuwing ipapakilala ako ni Estelle Esquivel sa mga kamag-anak ng asawa nito bilang fiancee ng panganay nilang anak.
Iyong iba ay tinitingnan ako mula ulo hanggang paa. May iba rin na katulad ko, pinepeke ang mga ngiti at mukhang labag sa kalooban na bumeso sa akin. Mayroon namang mga genuine, na parang natutuwa na makilala ako.
Medyo may kalakihan ang angkan ng mga Esquivels. Bukod pa roon, halatang marangya ang pamumuhay nilang lahat, base sa mga kasuotan at pananalita nila. Ang iba ay medyo pamilyar sa akin, at natatandaan kong dumalo sila noong may pa-welcome party sa akin si Aljon—pero hindi lahat. Nasa apat lang yata o lima.
Mayroon din akong napansin na hindi ko mawari. Hindi ko masabi kung sa akin ba mabigat ang lo
