Julianna
"Sigurado ka ba na gagawin natin 'to?" Kabado kong tanong kay Jercie.
Kanina pa ako hindi mapakali rito sa upuan. Mula pa nang umalis kami sa bahay niya, may mabigat nang bumabagabag sa dibdib ko. Kahit anong gawin kong paghugot ng malalalim na hininga, hindi pa rin 'yon naiibsan. At lalo pang lumala ngayong papalapit na kami sa mansyon. Kung anu-ano na rin ang mga senaryong pumapasok sa isipan ko, na posibleng mangyari roon.
Hindi na kami bumalik pa sa Mountain Muse, at doon na sa mansiyon nila didiretso para dumalo sa kaarawan ni Aljon na gaganapin ngayong tanghali.
May ipina-deliver na lang siyang mga damit na isusuot namin kaninang umaga para sa party, na mga bago pa lamang pero halatang na-laundry na.
And it was Jercie who chose the soft beige linen midi dress I'm wearin
