Julianna
Panay ang hugot ko ng malalalim na hininga habang patagilid na nakahiga sa kama. Sa bawat pikit ng mga mata ko, ang mukha na naman Trinity ang rumerehistro sa utak ko.
Maging ang mga sigaw niya ay muli ko na namang naririnig dahil tuluyan nang tumahimik ang buong paligid dito sa silid ni Jercie.
Hindi ko alam kung anong oras na, pero sigurado akong malalim na ang gabi.
Parang nawalan ng bisa ang pangdi-distract ni Jercie sa akin buong maghapon. Kahit anong pag-iisip ang gawin ko tungkol kay Valerie at kay Jeraine, si Trinity pa rin ang nagpapabalik-balik sa isipan ko.
Nakausap ko naman din ang lolo ko kanina at gumaan nga ang pakiramdam ko, ngunit sa mga sandaling ito, para akong malulunod.
Gusto ko mang magpabaling-baling ngunit hindi ko magawa. Paniguradong tulog na si Jer
