Julianna
Nakatingin lang ako kay Jercie habang hinihintay siyang magsalita.
Pero sa nakikita ko sa mukha niya, ayaw talaga niyang i-disclose ang kung ano mang tungkol sa kapatid. Halatang mabigat iyon para sa kanya.
O baka iniisip niyang huhusgahan ko si Jeraine kung ano man ang malalaman ko tungkol sa kanya?
"Jercie, alam mo, okay lang talaga kung hindi mo kayang sabihin ang tungkol kay Jeraine at kay Val," pahayag ko na. "Wala namang problema," marahan ko pang dagdag.
Nagkamot siya ng panga habang bahagyang pinaglalaruan ng dila ang sulok ng kanyang bibig.
Makaraan ang ilang sandali ay itinigil niya ang ginagawa saka tumingin sa sahig at bumuntonghininga.
"Jeraine is lesbian," maya-maya ay wika niya, na muntik ko nang hindi marinig. "Yeah, she's attracted to girls--she likes them.
