Julianna
"Gago ka ba?! Saan mo ako dadalhin!" sigaw ko sa lalaking nagmamaneho.
Halos mapaos na ako kakasigaw sa kanya. Simula kaninang pwersahan niya akong ipasok sa sasakyan hanggang sa makaalis kami roon sa rancho.
At parang nagsasayang lang ako ng enerhiya dahil hindi niya ako pinapansin. Diretso lang ang mga mata nito sa kalsada. Sigurado rin akong hindi kami pabalik sa mansiyon nila, na siyang lalong nakakabahala.
"Jercie!" muli kong sigaw. Gusto ko na ring kalmutin ang braso niya upang makuha lang ang atensiyon nito.
Kanina ko pa talaga sinusubukan. Kahit noong may tinawagan siyang isang tao, na sa tingin ko ay ang susundo kay Claire sa rancho, ilang beses ko siyang minura pero parang hindi niya ako naririnig.
"Sit properly," utos nito makaraan ang ilang sandaling pananahimik.
