Julianna
This is absurd.
Ni hindi ko na kaya pang tingnan si Trinity. Kahit na hindi ko literal na naririnig ang boses niya, nakikita ko sa masaganang luha na tumutulo sa mukha niya, pati sa braso at mga daliri na dumaan ito sa matinding hirap.
Gusto ko nang tumakbo palayo rito sa lugar na ito.
Para akong masusuka.
This place seems haunted. Malinis man sa paningin, hindi pa rin maikakaila na may ibang amoy sa hangin.
Amoy ng nakulob na dugo, at mga pakiusap na nakulong sa bawat pader nitong silid.
May kutob ako na hindi pa lamang si Trinity ang dinadala ni Jercie rito. Base sa mga deadly tools na nakikita kong maayos na naka-organize sa mga hook racks, marami na siyang pinatay sa mismong kuwartong ito.
Ngayon ay mas lalo kong naintindihan ang sinabi niyang dito niya dinadala ang mg
