Chapter 42
Pinapanood ko ang mga taong nagsasayaw habang may kanya kanya silang hawak na alak sa kamay. Marahil ay tinamaan na sila ng mga iniinom nila kaya halos magwala na sila dito ngayon. Wala na din silang pakialam sa mga hitsura nila at sa kung gaano na kagulo ang mga buhok nila.
Nakikipag-sayawan na din sina Trisha at Crizette na parehong naka-shorts na magkaiba ang kulay. Naka-halter top si Trisha habang naka-off shoulder shirt naman si Crizette. Dumaan ang paningin ko kay Marion na kausap sina Jam, Andrei at Vlad sa harapan ng bar counter habang pinapanood din ang mga sumasayaw.
"Why are you not dancing?" Tanong ng isang tinig mula sa gilid ko. Lumingon ako sakanya saka ngumiti. Umayos din ako sa pagtayo dahil nakahilig ang mga siko ko sa round table habang nakahawak sa baso.
