***EYRNA***
Naging madamdamin agad ang eksena nang dumating si Jasmin at Gillian sa hospital. Sobrang naawa si Jasmin sa pinatulog daw ng doktor na kaniyang kaibigan. Kahit kasi tulog si Eyrna ay halata sa mukha nito ang hinagpis. Ang dating fresh nitong mukha ay halatang-halata na humupak. Ang dating masiyahin nitong mga mata ay kitang-kita na namamaga kakaiyak.
Nagpahid ng luha si Jasmin matapos hinalikan sa noo si Eyrna. “Kumusta na siya?” pagkuwa’y tanong niya kay Emmil.
“Wala namang sinabi, Ate Jasmin. Tinurukan lang nong nurse kanina ng gamot iyang dextrose niya. Baka bukas pa ulit siya i-examine dahil bukas pa daw siya gigising.”
“Sana maging maayos na siya bukas.”
“Sana nga, Ate, kasi sobra ang pagwawala niya talaga kanina. Napilitan nga siyang turukan ng pampatulog. Ang laka
