***EYRNA***
“Please, Eyrna? Dito na lang tayo? Ilang araw lang naman,” pakiusap pa rin sa kanya ni Revo.
“Sinabing ayoko. Kung gusto mo ay ikaw na lang mag-isa.”
“Hindi naman puwede iyon. Asawa na kita. Partner na tayo kaya dapat kung nasaan ako ay nandoon ka rin.”
“Kahit na ikamamatay ko kung nasaan ka?”
Natigilan si Revo. Hindi na nasagot iyon.
“Doon lang ako sa kaibigan ko. Kung gusto mo kaming dalawin ng anak mo ay malaya kang makakapunta,” giit niya. Buo na ang desisyon niya na aalis.
Ngunit sa kanyang pagkambyo ay ang pagdating naman ni Lailey. Prenteng bumaba ito sa magara nitong sasakyan nang pagbuksan ito ng driver.
Naabutan pa talaga siya! Ang malas talaga!
“You're really here,” sabi nito na nakasimangot nang makita siya.
“Hindi ko gusto na nandito ako,” aniya sa ma
