***EYRNA***
Dali-daling pumasok si Eyrna nang marating niya ang mansyon. Hindi nakahadlang sa kanya ang dalawang guwardya dahil kilala naman siya. Katunayan ay binati pa siya’t kinumusta dahil alam din nila ang nangyari sa kanya na itinakbo sa ospital dahil sa pagdurugo.
“Magadang umaga po, Nanay,” bati niya sa matandang nadatnan niya sa malawak na living area ng mansyon.
“Eyrna...” Nagulat ito nang makita siya pero nangiti rin naman, “kumusta ka? Nakalabas ka na pala sa ospital? Kumusta kayo ng baby mo?”
Siya ang nawalan ng ngiti nang marinig niya ang salitang ‘baby mo’. Nagyuko siya ng ulo.
“Aru, Diyos ko. Nakikidalamhati ako sa ‘yo, iha.” Naunawaan ni Aling Maring ang ibig sabihin ng gesture niyang iyon. Nilapitan siya’t hinawakan sa magkabilang braso. “Ayos ka na ba?”
Pinilit
