***EYRNA***
“Pero galit na galit ka sa akin noong nagkita ulit tayo sa ERA Artist Agency ni Miss Erika. Akala ko nga na baka kung anong gawin mo sa akin kaya kinagat ko ang daliri mo. Paanong gusto mo na ako noon pa?” nagawa niya ulit itanong kay Kabhy sa kabila ng panghihilakbot niya sa mga inaamin nito.
Ngumiti si Kabhy. “Papansin ko lang iyon. Alam mo bang paglabas mo pa lang sa sliding door noon ay nakita na kita. Natigilan ako sa paglakad noon at pinanood kita. Hinintay kong makalapit ka. Pero dahil napansin kong wala ka sa sarili mo ay sinadya kong banggain ka.”
Napatungo siya. “Iyon kasi ‘yung araw na pumirma ako ng kontrata bilang pagpayag na maging ghost singer ni Lailey.”
“Ganoon ba. Tinanong ko noon si Erika kung bakit nandoon ka. Akala ko noo’y nag-apply kang model or artis
