“Bumabagsak na pala ang mga Gomez?”
“Totoo ba? Baka naman chismis lang? Sinisiraan ng mga kalabang pamilya at kompanya?”
“Oo, totoo. Biglaan nga. Samantalang noong nakaraang linggo lang ay mayroon silang bagong bukas na ospital at hotel, pero nakakapagtakang biglang natigil ang operasyon noon kinabukasan din.”
Naglalakad ako sa open field papasok sa building nang maulinigan ko ang malalakas na usapan ng mga nakakasabay kong estudyante sa paglalakad.
Tatlong babae sila na nasa unahan ko kaya hindi malabong hindi ko marinig kung anuman ang pinag-uusapan nila, lalo na kung sa sobrang lakas nito na parang sinasadya na marinig ng lahat ang topic nila.
"Halos magdadalawang linggo na pala na mayroong problema ang mga Gomez, pero ngayon lang halos kumalat, ano? Siguro
