“Oh my gosh! I think I can’t do this anymore!” Napabuntong-hininga ako nang muling marinig ang boses ni Ymar.
Huminto ako para lingunin siya. Bahagyang nakayuko ang kaniyang katawan habang sapo ang magkabilang binti. Muli akong bumuga ng hangin at naglakad pabalik sa kaniya.
“Give up, Ymar. Hindi natin makikita rito ang hinahanap mo,” saad ko sa kaniya.
Noong tumigil ay saka ko lang din naramdaman ang pamimintig ng aking mga paa dahil sa pagod.
“No. We need to find the owner, mars. Dapat ay makapagpasalamat ako sa kaniya ng personal. Gusto ko ring humingi ng autograph sa kaniya.” Nakanguso siya at bakas na ang pagod sa mukha ngunit walang balak na tumigil.
Akala ko kanina ay nagbibiro lang siya noong sinabi niya na hahanapin namin ang may-ari ng ALC. But to my
