“Oh, hija. Ano at takbong-takbo ka? May problema ba?” nag-aalalang tanong ni Mang Ambo nang makitang nagmamadali kong tinungo ang pintuan ng aking bahay.
Nagkakape ito sa labas ng kanilang tahanan kaya nakita niya ang aking pagdating.
“W-wala naman po.” Habol ko ang aking hininga noong sumagot ako. Nanginginig pa ang aking kamay habang hinahalughog kung nasaan ang susi sa loob ng bag.
“Oo nga pala, Alice. Mayroong pumuntang mga tao rito kaninang tanghali.” Abala ako sa paghahanap ngunit agad din iyong natigil nang marinig ko ang kaniyang sinabi.
“Ano po?” ulit na tanong ko. Nagnanais na ulitin niya ang sinabi. Naglakad pa ako patungo sa baluster ng kanilang terasa. Magkatabi lang kasi ito at ang aking bahay. Inilapag ng matanda ang kaniyang kape at tiningnan
