“Easy-han mo lang sa amin, boss, ha? Maawa ka.” Panay ang lunok ni Waldo kanina pa.
Hindi ko alam kung matatawa ba ako sa kanila o ano. Mga mukha silang tensyonado. Hindi naman namin seseryosohin ang activity na ito.
“Sobrang bait ko sa ‘yo, boss. Baka naman pwedeng kurot na lang sa pisngi ang makuha ko?” wika naman ni Ymar na panay ang haplos sa braso ko kanina pa.
“Lumayo ka nga, Ymar. Nantsatsansing ka lang, e!” Marahas siyang hinablot ni Isko palayo sa akin at walang ingat na itinulak sa mga kasama.
“Aray ko naman! Be gentle naman!” Matinis ang boses ni Ymar na nakapagpailing na lang sa akin.
Kanina pa kami nasa loob ng platform, at sa paligid namin ay mayroong pulang linya. Ang lalampas doon ay automatic out na. Hindi pa kasi nagbibigay ng hudyat si
