ALEX
MABILIS na lumipas ang araw. Hindi na muling bumalik si Klaus sa aking condo matapos nitong umalis nang umagang iyon. I should take it a good thing. Baka tuluyan na itong natauhan kaya't hindi na ito nagpupunta roon.
Lunes ngayon at naghahanda na ako sa aking pagbabalik sa opisina. Ilang linggo rin akong nawala at siguradong tambak na ang trabaho sa pagbalik ko. Mas mabuti na rin iyon dahil kahit papaano ay magiging abala ako sa mga gawain sa opisina at hindi ako magkakaroon ng pagkakataong isipin si Klaus.
Hindi ko na nagawang kumain ng almusal dahil sa aking pagmamadali. Dali-dali akong nagtungo sa parking area kung saan naroon ang aking sasakyan. Maaga akong umalis ng aking condo upang hindi ako abutan ng mabigat na traffic sa daan.
Malapit lamang ang aking tinutuluyan sa ami
