ALEX
ILANG MINUTO lamang matapos makaalis ang mga guwardiya na siyang naghatid kay Klaus sa baba ng aking condo ay agad na rin akong nagtungo sa aking silid. Hindi ko na nagawang maligo dahil sa labis na pagod at antok. Ang tanging nagawa ko na lamang ay ang magpalit ng damit. Pagkatapos noon ay dumiretso na agad ako ng higa sa aking malambot na kama. Wala pa mang ilang minuto ay agad akong nakatulog.
Bahagya nakakapanibago dahil malayo ito sa madalas kong routine tuwing gabi. Kalimitan kasi ay madaming seremonyas pa akong kailangang gawin para lamang makatulog. Ngunit kagabi ay ilang saglit lamang ang nakalipas mula nang humiga ako ay agad na rin akong nakatulog. Marahil ay dulot na rin ito nang labis na pagod at madalas na pag-iisip nang malalim.
Bagama't maaga akong nakatulog kagabi
