ALEX
PATULOY kong pinakiramdaman ang kilos ni Klaus sa aking tabi. Naglagay pa ako ng ilang pirasong unan sa pagitan naming dalawa kahit pa alam kong wala naman iyong magagawa kung sakaling pilitin na Klaus na lumapit sa akin. Nakaharap ito sa kabilang bahagi ng silid kaya't kahit papaano ay nakakakilos ako nang maluwag.
Hindi ko magawang magpabaling-baling dahil siguradong magkakadikit ang aming mga balat kapag ginawa ko iyon. Makailang ulit kong sinubukang matulog ngunit talagang mailap sa akin ang antok. Mas lalong hindi nakatulong na nasa iisang kama kami ni Klaus. Sinubukan kong silipin ito. Hindi ko maiwasang mainis nang makita kong payapang nakapikit ang kaniyang mga mata at banayad na rin ang kaniyang paghinga. Maaaring malalim na ang tulog nito kaya't hindi na ito gumagalaw. How
