Nakalabas na ng ospital si Aica. Ayaw niyang makipag-usap sa therapist kahit na iyon ang rekomandasyon ni Dr. Evans sa kanya. Siguro ay mawawala rin iyong p*******t ng kanyang ulo sa banda kung saan may surgery siya. Alam niyang hindi totoo na masakit iyon. Psychological lang iyon, hindi pisikal. At hangga’t maaari ay pipilitin niyang lampasan iyon sa tulong ni Marietta kahit na alam niyang mas mapabuti kung sa therapist siya. Hindi lang talaga siya kumportable kundi sa kaibigan niya lang.
Tumuloy siya sa flat ni Marietta imbes sa hotel kung saan ay naka-book siya. Ayaw niya kasing makita roon si Russel at ayaw niyang masyadong makihalubilo muna sa mga kasamahan niya sa proyekto.
Bumisita naman sa kanya palagi sina Janice, Phil, Kenneth at ang matandang propesor. Nakipag-usap din siya ki
