Hindi sinabi ni Aica kahit kanino kung sino ang katatagpuin at kauusapin niya sa isang mamahaling restoran malapit sa Chelsea Physic Garden. Sinabi lang niya kay Marietta na may titingnan lang siya sa mall. Dahil may duty ito kaya hindi rin naman makasama na ipinagpasalamat niya. Para rin kasing manok na inahin na sobrang protective ang kaibigan niya. Kapag nalaman nito iyon, malamang ay makakarinig siya ng sangkatutak na salita. Baka pagbawalan pa siyang makipagkita. Or worse, baka sasama pa talaga ito at makipag-away.
Bukas pa ang balik nila sa camp site kaya libre din siyang gumala ngayon. Si Russel ay may inasikaso sa opisina nito na problema raw sa isang shipping line na mina-manage nito. Hindi na siya nagtanong kung ano. Tamang-tama rin at wala siyang kailangang ipaliwanag sa lalaki
