TAHIMIK na nakaupo sina Mari at Clarence sa law office ni Jacob.
"Pasensya ka na, Jacob kung naabala ka namin," sabi ni Clarence.
Huminga nang malalim si Jacob at pinadulas sa mesa ang annulment papers sa mag-asawa.
"Tutol ako sa ginagawa niyo, Clarence. Wala akong tiwala kay Kate pero naiintindihan ko naman si Mari," paliwanag ni Jacob.
Hawak na ng dalawa ang mga papeles ng annulment. Pareho nilang tinitigan ang dokumento. Dahil do'n ay mas lalong bumigat ang dibdib ni Mari.
Walang alinlangan na unang pumirma si Clarence. Pagkatapos ay iniabot niya ang ballpen kay Mari. Nanginginig ang kamay ni Mari habang pumipirma ito. Pagkatapos niyang lagdaan ay huminga siya nang malalim. May kung anong luha na gumilid sa mata niya.
"Clarence, I'm sorry. I... I don't know what to do. Hindi ko
