“Daddy..." mahinang sambit ng bata.
"Tama ba ang narinig ko anak? Sasama ka na sa akin?" Paninigurong tanong ni Apollo.
"O-Opo, sasama po ako. Pero… nakakalungkot lang po kasi mawawalay ako kay Uncle Owen.” humihikbing wika nito.
Naaawa siya sa kanyang anak pero mas nag-uumapaw ang kanyang kasiyahan, sa wakas makakasama na niya ang kanyang jr. Lumapit siya, nangingilid ang luha, at marahang hinawakan ang balikat ng anak.
"Salamat, anak. Hindi ko hahayaang magsisi ka sa desisyon mo. Hindi ko mapapalitan si Uncle Owen. Pero gagawin ko ang lahat para maging karapat-dapat ako sa ‘yo. Mahal na mahal kita anak ko, mahal na mahal ko kayo ng Mommy mo."madamdaming pahayag niya sabay yakap sa anak.
Napatikhim naman si Honey, iyon kasi ang unang beses na narinig niya ang bagay na iyon kay Ap
