MAGAAN ang pakiramdam ni Sarah na nagising nang umagang iyon. Kayganda naman kasi ng kanyang panaginip. Kumpleto sila.
Siya, si Tristan at ang anak na si Jianna. Alam niyang panaginip lang kaya hindi na siya nalungkot nang magising. Saka sobrang gaan ng pakiramdam niya talaga, kaya balewala na nagising siyang hindi totoo.
Napabaling si Sarah sa tabi niya nang maalala si Bunny.
“Bunny?” tawag niya sa anak, hoping na may sumagot, pero wala kaya kinabahan na siya. Mabilis na bumaba siya sa kama, sa pag-aalalang nahulog ito. Subalit wala ito. Pero napako ang tingin niya sa papel na katabi ng tsupon ni Bunny.
Nakakapagtaka lang. Hindi siya nagtimpla ng gatas para kay Bunny.
Natigilan siya kapagkuwan.
Hindi kaya totoo ang panaginip niyang kasama niya si Tristan kagabi? Kung totoo man, n
