PAGLABAS niya ng banyo, nakabihis na si Tristan at Jianna. Suot ni Tristan ang white polo shirt at gray pants. Naka-white dress din ang anak. Pero tulog pa rin ang anak. Talagang bilib siya kay Tristan pagdating sa pag-aalaga ng bata. Nagawa ba naman nitong bihisan na hindi nagigising.
“Naihanda ko na ang damit mo, Pea.” Sabay turo nito sa puting bestida na nasa kama. Nakalaylay naman ang halos sa kalahati niyon.
“Magsisimba ba tayo?”
“Hmm. Hindi?” natatawang sagot nito.
Kasi naman, puti iyon, e.
“Pero may pupuntahan tayo na babagay sa suot natin.”
“Okay.”
Isang sleeveless white dress na may slit. Simpleng-simple lang ang dress pero naging elegante.
“Beautiful, Pea…” nakangiting sambit ni Tristan nang balingan niya.
“Thanks.”
Muli siyang humarap sa salamin pero napatingin s
