NATIGILAN si Sarah sa nakitang text ng asawa. Kasunod niyon ang pagharurot ng isang sasakyan sa labas.
Pumapayag na si Tristan sa annulment na gusto niya. Dapat masaya siya pero bakit lalong sumakit ang dibdib niya?
Binigay niya sa pinsang si Faith ang anak nito at nagpaalam na papasok sa silid niya. Ayaw niyang makita nito ang pagiging emosyonal niya.
Kagat ng labi ang ginawa niya habang paulit-ulit na binabasa ang maikling mensahe ng asawa.
Nasasaktan nga siya sa ginawang pagpupumilit ng annulment dito nitong mga nakaraan. Kaya nga siya nagbitow nang masasamang salita rito para pumayag lang. Sa tingin niya kasi, annulment lang ang paraan para maka-move on siya sa lahat ng sakit at hinanakit.
Matindi ang epekto sa kanya ng pagkawala ni Jianna. Hindi niya kayang tumira sa bahay nila.
