“WHAT are you doing?” tanong ni Sarah nang punuin ni Dennis ang laman ng plato niya. Nakalimutan yata nitong nakakakita na siya at nasa harapan sila ng mg Daddy nila.
“Pinagsisilbihan ka, pea. Wala namang masama, ‘di ba?”
“I’m Sarah Joanna,” paalala niya na ikinatigil nito. “Kaya ko na ang sarili ko. Nakakakita na rin ako.” Ngumiti siya rito. “And besides, I’m actually on a diet,” dugtong pa niya.
Bininitawan naman nito ang kutsara niya. Akmang susubuan sana siya nito kasi kanina kaya sinita niya.
Alam niyang nagpapaka-gentleman ito pero hindi ba ito nakikinig sa kanya? Hindi ba nito nararamdaman ang mga pinapahiwatig niya?
Ngumiti siya sa mga ama nila dahil nasa kanila rin ang atensyon ng mga ito. Matamis na ngumiti ang ama ni Tristan sa kanya.
“I didn’t know na napalapit na kayong
