HINDI maiwasang mapamura ni Tristan nang marinig ang report ng tauhan niya na nilooban ang bahay nila. Hindi pa alam ng mga ito ang dahilan kung bakit, pero mukhang hindi pagnanakaw ang sadya dahil mga gamit lang nila ang nasira, at wala ring bakas na binaklas ang mga cabinet. Hindi naman nagalaw ang library niya Sabagay, mahigpit ang security no’n. Sadyang pinagawa niya iyon dahil naroon ang karamihan sa mga importante sa kanya.
Gusto man niyang sabihin kay Sarah ngayon pero baka magmadali naman ito ng uwi. Hangga’t maaari, itatago niya para sa peace of mind nito. Gusto niyang makapag-relax naman ito ngayon.
Agad niyang binilin kay Orson na linisin ang mga kalat bago sila umuwi na mag-asawa. Kailangang mabalik sa ayos at makabili ng bagong gamit, kaparehas ng nasira. Itatawag na lang n
