“SINO ho bang sadya natin dito, boss?” tanong ni Dennis nang huminto ang sasakyan sa pamilyar na bahay.
Dito sila pumunta noon bago sila maaksidente sa dagat. Kinakabahan siya dahil baka makilala siya pero medyo malaki naman na ang pinagbago ng balat niya, lalo siyang naging tan. Hindi rin maayos ang buhok niya kaya mukha lang siyang simpleng tao.
“Dumating si Bossing. Nagpapasundo.”
“G-ganoon ho ba. D-dito lang po ako sa labas maghihintay.” Tumango naman ito sa kanya. Mabuti na lang at pumayag ito.
Hindi pa man nagtagal ay nag-vibrate ang cellphone na nasa bulsa niya. Agad niyang sinagot iyon nang makita ang pangalan ni Dana. Sinabi nitong nakausap na nito si Manang at gusto nitong masiguradong siya nga ang nagpapalikas sa mga ito. Kaya naman sinabihan niyang sumama sa kaibigan. Mab
