Walang malay si Sarah nang umalis sila Tristan. Ayaw niya sanang iwan pero paulit-ulit na ume-echo sa isipan niya ang boses nito na nakikiusap. Kaya naman tinawagan niya ulit si Supremo para magtanong kung sino ang pwedeng maasahan sa tauhan nito.
Si Helium ang iminungkahi nito. Ramdam niya at nabasa naman na niya sa mata nito kanina na mabuting tao ito kaya hindi na siya kumontra.
Labag man sa kalooban, sumama na lang siya at iniwan ang asawa na noo’y ginagamot na. Siniguro naman ni Supremo na kapag maayos na ang asawa, ililipat ito sa Italy, sa mismong bahay nito.
Sinundan nila Tristan ang itim na SUV na may sakay kay Jianna. Halata ang tensyon sa loob ng sasakyan. Kahit na ang dibdib niya ay ganoon din, hindi mapakali.
Wala nang ibang iniisip si Tristan kundi ang anak, ang anak niya
