BIGLANG mulat ng mata si Sarah dahil sa masamang panaginip na iyon. Kinapa niya ang noo dahil ramdan niya ang pawis ng mga sandaling iyon.
Malamig ang buga ng aircon, subalit natalo ito ng masamang panaginip na iyon. Pinagpawisan siya nang todo.
“No…” tanging sambit nang muling mag-flash sa isipan niya ang napanaginipan.
Babalik ang anak na ligtas. Ibabalik ito ni Tristan sa kanya nang buhay.
May kasama naman si Sarah sa malaking bahay na iyon pero ramdam na ramdam niya ang pag-iisa. Pakiramdam niya may kulang sa kanya. Literal na meron talaga kasi nawawala ang anak. Pero kakaiba ang pakiramdam niya nang araw na iyon.
Pangatlong araw na niya sa malaking bahay na iyon ng mga Madrid dito sa Italy. Pwede naman na siyang bumalik ng Switzerland pero mas gusto niyang maghintay rito dahil
