MABILIS ang ginawang pagbangon ni Sarah nang marinig ang pintuan na bumukas. Alam niyang ang asawa na iyon. Nagpadala na ito ng mensahe sa kanya na babalik na nga ito. At hindi nga siya nagkamali. Mukha nito ang nakita niya nang tumingin siya sa pintuan.
Gustong sugurin ni Sarah ng yakap ang asawa pero hindi niya magawa dahil sa hindi pa rin talaga magaling ang tama ng bala sa hita niya. Hindi pa pwedeng pwersahin.
Kunot ang noo na tiningnan ang asawa dahil nakatingin lang din ito sa kanya. Kalahati ng katawan nito ay nakapasok. May nababanaag siya sa mata nito kaya doon na siya nagsalita.
“T-Tristan?”
Dahil siguro sa pagtawag niya kaya kumilos ito. Pero hindi niya malaman kung tutuloy ba ito sa paghakbang o hindi. Kasi isang hakbang lang ang ginawa nito tapos narinig niya ang pagsin
