CHAPTER 34
ANG haba ng leeg ni Hillary habang nakatanaw sa isang napakalaking bakuran na pinasukan nila. Sakay pa sila ng kotse ni Vandrix at kabuntot sa likuran ang itim na Rover ng mga bodyguards nito. Kasama nila ang kapatid niya at salamat naman at hindi na nag-aaway ang dalawa ni Vin.
Nakanganga siya sa pagkakatulala. Covered ang patio at nakaayos ang mesa. May videoke, kung hindi siya nagkakamali. May party yata! Kagagaling lang nila sa family day pero heto at kasiyahan na naman ang pupuntahan nila. Magigising sa kanya ang mga palaka, sigurado kapag ipinasikat niya ang kanyang hidden voice with matching dancing skills.
“Do you sing?” tanong ni Vandrix sa tabi niya habang ipinaparada nito nang maayos ang kotse sa open garage.
“Sus! Kumembot ka pa.” buong kayabangan na sabi niya s
