CAMILLA
Maaga pa lang ay bumangon na agad si Jared para maghanda paalis. Tutal ay maaga pa kaya napagkasunduan namin na huwag na munang mag-almusal dahil bukod sa tinatamad akong bumangon ay ayaw rin naman niyang mag-take ng early breakfast.
Pakiramdam ko ang bigat sa dibdib na pinapanood ko si Jared na magbihis habang nakaupo ako sa kama at nakasandal sa headboard kipkip ang makapal na kumot.
"Please take care, sweetheart, okay?" nakangiti at malambing na sabi ng asawa ko kaya tumango ako.
Ayaw kong ipakita sa kan'ya na nahihirapan ako at sobrang nalulungkot knowing na aalis na naman siya at ilang araw ko ulit bago makita. Inisip ko na lang na siguro kaya ganito ang nararamdaman ko ay dahil na rin sa sitwasyon namin at kahit anong pagpipigil ang gawin ko ay dumarating pa rin ang pagk
