CAMILLA
Anxious na nahiga ako katabi ni Jared sa kama pero hindi naman makatulog dahil hindi talaga ako dalawin ng antok. Kahit ilang ulit ko ng pinilit at umabot pa ako sa pagbibilang ng tupa hanggang one hundred pero dilat pa rin ang mga mata ko. Hindi kasi ako mapakali lalo na at tila flashback na naririnig ko ang malakas na pagsabog tapos umuwing may sugat at tama ng bala sa tagiliran ang lalaking katabi ko.
Nag-aalala talaga ako pero ang magaling na asawa ko ay agad nakatulog. Hinayaan ko na lang lalo na at alam kong masama ang pakiramdam niya. Hindi ko lang talaga mapigilan ang sarili ko na huwag mag-alala lalo na at may nangyaring ganito. Para bang kakabit na ng buhay niya ang banta palagi sa kaligtasan niya at maging sa mga kaibigan niya dahil sa organisasyon na kinabibilangan n
