NANATILI akong tahimik habang kumakain dito sa loob ng dinning room. Katabi ko si Clark, at nasa kabilang banda naman sina Andro at Terrence nakaupo paharap sa amin. Sa pinakadulo naman ng mesa ay ang grandma ni Clark na hindi naman kumakain, nakaupo lang ito habang pinapanood kaming kumain ng mga bodyguards ko, o tamang sabihin na kami ni Clark ang pinagmamasdan.
Hindi ko tuloy maiwasan ang mailang. Nahihiya ako sa lola ni Clark dahil sa naabutan nito kanina. Alam kong mali ang iniisip nila. Pansin ko rin na parang nagbubulungan pa ang mga katulong kanina pagkalabas namin ni Clark ng kuwarto. Hindi ko alam na may pagkachismosa rin pala ang mga katulong nila dito sa hacienda.
Kung bakit naman kasi nakahubad pa ng damit kung matulog ang Clark na 'to, tapos nakapatong pa talaga siya sa aki
