HABANG nagkakape dito sa sala ay pareho kaming walang kibo ni Clark. Ang totoo ay kanina pa ako nagpapapansin sa kanya sa pamamagitan ng pagtikhim pero deadma lang sa kanya. Hindi ko alam kung galit ba siya sa akin o ano, pero mula pa kagabi ay hindi na niya ako pinansin. Sinasagot niya lang kung may mga tanong ako sa kanya, pero 'yung dating lambing niya sa akin ay parang naglaho na. Hindi na rin siya makulit tulad dati. Na-miss ko tuloy ang dating Clark na mapang-asar, 'yung tipong napipikon ako agad sa simpleng ngisi niya lang sa akin. Pero ngayon ay parang wala na ang Clark na 'yun, ibang Clark na yata itong kasama ko.
Galit pa rin yata siya dahil sa pagbuhat sa akin ni Terrence palabas ng bathroom. Ang dumi talaga ng utak niya. Iniisip niya yata na may ginagawa kaming milagro ni Terr
