HINDI ko mapigilan ang bahagyang mapangiwi habang ginagamot ni Terrence ang gilid ng labi ko. Nilagyan niya yata ng alcohol ang cotton bands na ginamit niya sa paglinis ng dugo, medyo ramdam ko kasi ang hapdi.
Pero nang mapansin ni Terrence ang pagngiwi ko ay nagulat na lang ako nang bigla nitong inilapit ang mukha sa akin. Akala ko ay kung ano na ang gagawin niya, 'yun pala ay inihipan lang ang labi ko habang patuloy ang pagdampi ng cotton bands na may alcohol. Kaya kahit papaano ay parang naalis ang paghapdi. Sa sobrang lapit ng mukha niya ay halos bumangga na ang matangos niyang ilong sa mukha ko, langhap na langhap ko na rin mabango niyang hininga.
Nakaupo na kami ngayon sa taas ng kama dito pa rin sa kuwarto ko.
Nang matapos gamutin ni Terrence ang mga sugat ko at nalagyan ng band
