KINABUKASAN ay ibinili nga ako ni Terrence ng bagong phone, pinasama niya rin kami ng mga bata sa kanyang trabaho, sa kompanya ng kanyang tiyuhin na kapatid ng kanyang mommy. Yes, doon siya nagtatrabaho bilang isang COO (Chief Operating Officer).
Kinalimutan ko na rin ang caller kagabi, baka nagkamali nga lang talaga ako ng dinig. Tama si Terrence, for sure scammer 'yun.
Ngayon ay nakaupo na ako dito sa couch sa loob ng opisina, katabi ko si Cedric na wala namang pakialam sa paligid at nakatuon lang ang atensyon sa paglalaro ng kanyang robot toy.
Si Terrence ay nakaupo naman sa kanyang swivel chair at nasa lap nito nakaupo ang anak kong si Irish na sarap na sarap sa pagkain ng strawberry cake.
“Baby, nakaka-isturbo ka na sa Daddy mo. Come here, si mommy na lang ang magsusubo sa'yo...”
