Napatakip ako sa sarili kong bibig at mabilis na tumakbo papasok ng toilet. Pagkapasok ay agad akong sumuka nang sumuka sa loob ng bowl. Pero tulad nung mga nakaraang araw ay puro tubig lang lahat.
Nang matapos sumuka ay para akong nanghina. Pakiramdam ko ay nabawasan ng lakas ang katawan ko. Napahawak pa ako sa sarili kong ulo nang makaramdam ng pagkahilo. Parang sandaling umikot ang paningin ko.
Nitong mga nakaraang araw ay pansin ko ang pagsusuka ko tuwing umaga. Nakapagtataka lang. Nag-iiba rin pati mga panlasa ko sa pagkain.
Hindi ko tuloy mapigilan ang matakot na baka nay malala na pala akong sakit nang hindi ko alam.
Nang mahimasmasan ay saka ako lumabas ng bathroom. Pero paglabas ko ay si Clark ang bumungad sa akin na nakatayo sa tabi ng kama ko habang buhat buhat sa mga bisig
