MARTIN
NATIGIL ANG PLANO kay Delta nang pumanaw sa aksidente si Carmen. Nakahinga ako ng maluwag. Gusto ko ng matigil ang mga balak nj Kuya. It’s not worth it. Kung ano man ang nangyari sa nakaraan ay dapat na manatili na lang sa nakaraan.
Hindi na mababago ang mga pagkakamali ng isa pang pagkakamali. Oo nga at hindi naging madali ang buhay para sa amin. Lalo na sa kanya, pero may panahon pa para magbagong buhay. May sapat kaming pera para magpakalayo at kalimutan na ang buhay na mayroon kami ngayon.
May mga legal kaming business at hindi man ito kasing-laki ng sa mga Laguera ay sapat na para mabuhay kami ng maayos. Labis pa kung tutuusin at hindi maghihikahos hanggang apo sa tuhod.
“Ano na naman ang iniisip mo?”
Matanda si Kuya ng sampung taon sa akin. Ang aming ama ay nakilala a
