ITINAPON ni Ellise ang hawak na baso sa sahig. Nabasag ito at tumapon sa sahig ang alak na iniinom. Ilang araw na siyang ganito. Hindi niya pa rin makalimutan ang ginawa ni Nick sa kaniya. Paano nitong nagawa ang bagay na iyon sa kaniya? Talaga bang wala ng ibang babae sa mga mata nito kundi si Soffie? Nagawa nitong saktan siya sa loob pa mismo ng opisina nito. Hindi niya iyon mapapatawad kaya naman kaagad niya itong sinabi sa tiyuhin. Ikinatuwa niyang hindi nagustuhan ng kaniyang Tiyo Philip ang naging sumbong at ngayon ay galit na galit ito kay Nick. He did forget what relationship he had with Nick Alvarez. Napatunayan niyang ganoon siya kamahal ng tiyuhin.
Bumukas ang pintuan ng kaniyang silid at pumasok si Philip. “What are you doing, Ellise?” Kumunot ang noo nito at pinagmasdan ang
