NAMILOG ang mga mata ni Soffie dahil sa sinabi ni Alex. Humarap siya rito. Marahang isinara ng lalaki ang dalawang kurtina sa gawi ng bintana. Doon niya nakita nang tuluyan ang seryosong mukha nito. “Anong sabi mo? A-anong hindi ikaw si Supremo?” nagtataka niyang tanong. Nakakunot ang kaniyang noo. “Hindi ko maintindihan, Alex. Please, sabihin mo sa ‘kin kung bakit mo nasabi ang bagay na ‘yan.”
“I said, hindi ako si Supremo kaya wala akong magagawa tungkol sa tuluyang pagbuwag sa grupong tinutukoy mo.” Alex sighed. “Yes, I am part of that organization, but I never been the supreme. Wala akong kakayahan upang bumuhay ng ganoong kalaking grupo. Kailangan mo ng malakas na kapangyarihan at kayamanan para sa bagay na iyon.”
Mas lalo siyang naguluhan. “Kung ganoon, sino siya?” hindi na niya
