HALOS lumuwa ang dibdib ni Nick sa kaba at pag-aalala para sa nobya nang tuluyang pumutok ang panubigan nito. Nasa byahe pa lamang ay hindi na siya mapakali at palinga-linga sa backseat kung nasaan si Chelsea at ang nobya na siyang namimilipit sa sakit. Mas lalo siyang nag-aalala at binubundol ng kaba sa tuwing titingin siya sa backseat. Mas nahihirapan din siyang makita si Soffie sa ganitong kalagayan, na halos mamuo na ang malamig na pawis nito, dumadaing at namimilipit. “s**t!” napamura na lamang siya dahil sa napakabagal na pag-usad ng mga sasakyan na nasa kaniyang unahan. Hindi naman siya makalusot sa kaliwa at kanan dahil sa traffic.
“Lady Mikasa, kaya mo po ‘yan. Tiisin mo lang muna.” Pinunasan ni Chelsea ang namumuong pawis sa noo ni Soffie gamit ang mga palad nito. Maging ito ay
