Matamang pinagmasdan ni Diana si Bernadette na ngayon ay nakatayo na sa may sala matapos niyang papasukin sa kanyang apartment. "Where have you been, Tita? H-Hindi ka pa ba nakauuwi sa inyo?" pang-uusisa niya. Suot pa rin kasi nito ang damit na pinangpasok nito sa AAC kanina.
"Hindi pa, hija," tugon nito nang nakangiti. "Galing akong simbahan. Naisipan ko lang dumaan dito para kumustahin ka."
"Kumustahin?" naguguluhan niyang tanong sabay lapit sa mesa kung saan naroon pa ang mga pagkaing inihanda ni Rafael. "Magkasama pa lang tayo kanina, Tita. Besides, nagsimba ka ng ganitong oras?"
"Yes. Ano mang oras ay maaaring dumaan sa simbahan, hindi ba?"
"O-Of course..." aniya sabay hawak sa sandalan ng silyang kinauupuan niya kanina. "Ang alam ko lang kasi ay tuwing Linggo ka lang talaga nagsi
